Yeng namaligya og guitar

CEBU, Philippines -  Gi-launch ni Yeng Constantino sa Singapore ang labing una niya nga personalized guitar o AOR Yeng Signature Guitars Limited Edition (Artist Series).  Iring ang logo niini gumikan kay mahiligon si Yeng sa maong hayop.

Echo ug Kim magminyo na

Sunod tuig na magpakasal sila si Jericho Rosales ug Kim Jones. Giangkon kini sa aktor atol sa  presscon sa pelikula niya nga "Alagwa” nga nakadawat og pasidungog didto sa Guam.

Rayver gikapoy

Gikapoy na si Rayver Cruz gumikan kay mahisgotan gyud kanunay ang iyang pangalan kung dunay kasikas ang iyang ex-girlfriend nga si Cristine Reyes. Suma pa ni Rayver nga wala siya’y katungod nga mohatag og komento sa personal nga problema ni Cristine.

Danita mibalhin sa Viva

Gipadayag ni Danita Paner nga nananghid siya og tarong kang Annabelle Rama sa pagtapon niya sa Viva Artist Agency. Mitapon si Danita sa Viva gumikan kay target niya nga banhawon ang talent niya sa pagkanta ug plano niya nga mogama og bag-ong album.

Erik dili pa andam makauyab

Gitataw ni Erik Santos nga wala siya magdali nga makabaton og uyab gumikan kay prayoridad niya karon ang iyang singing career. Suma pa ni Erik nga duna pa’y taas nga panahon busa wala siya magdali niini.

Hollywood remake

Gikatahong interesado ang international movie outfit nga  20th Century Fox nga mogama og Hollywood remake sa pelikulang Metro Manila.  Suma pa nga himoon ang shooting niini sa India.

Depende sa paningkamot

Dili motuo og “destiny” ang aktres nga si Marian Rivera gumikan kay alang kaniya, mohimo gyud og aksyon ang usa ka tawo aron makab-ot ang gustong mahitabo sa kinabuhi niini.

Ibalik sa primetime

Gumikan sa daghang hangyo, nakahukom ang kadagkoan sa ABS-CBN nga ibalik sa primetime TV ang tandem nila ni Kim Chiu ug Xian Lim. Kahinumduman nga nisamot og click ang ilang panagpares niadto sa seryeng Ina, Kapatid, Anak.(Sanden J. Anadia)

Nawad-an og gana

Naghinam-hinam na diay  unta nga mobalik si Claudine Baretto sa showbiz sa katapusang bahin karong tuiga apan nawad-an na pud siya og gana gumikan sa mga bag-ong isyu nga giatubang niya karon ilabi na sa pasangil ni Raymart Santiago nga matud pa tigamitan siya og ginadiling drugas.

Wala’y dautan

Tsika pa ni Chynna Ortaleza nga wala’y dautan kung ang usa ka babaye ma-develop ngadto sa bayot.  Nasayran nga ang maong sitwasyon maoy nahitabo sa iyang karakter sa seryeng My Husband’s Lover. “What’s wrong with that?,” hirit pa sa aktres.        

Hatud-kuha ang peg

Kanunay na nga masigpatan si Sam Concepcion sa TV5 apan giklaro sa aktor nga dili  siya mobalhin sa maong network. Mitikang lang si Sam sa maong istasyon gumikan kay hatud-kuha niya ang iyang uyab nga si Jasmine Curtis-Smith kung bakante ang iyang oras.

Hubag ang mata

Nasigpatan nga hubag ang mata ni Cristine Reyes sa shooting sa pelikula nila ni Derek Ramsay sa Viva Films nga My Trophy Wife. Niumol ang mga pagduda nga resulta kini sa breakup nila ni Derek.

Pinay nakadaug sa Mexico

Ang Pinay nga aktres nga si Sandsy Talig maoy nakaangkon sa best in acting award sa Oaxaca International Film Festival didto sa Mexico. Gipasidunggan si Sandy gumikan sa maayo niya nga performance sa Dutch-Filipino film nga Lilet Never Happened.

Megan gipasidunggan sa kongreso

Mipasar ang kongreso og resolusyon nga naghatag og pasidungog kang Miss World 2013 Megan Young. Nangulo sa maong resolusyon si Leyte Rep. Fernando Martin Romualdez kinsa nisaysay nga dili basta-basta ang titulo nga naangkon ni Megan busa angayan lang nga pasidunggan kini sa mga magbabalaod.

Pahugyaw sa concert

Nagpanikad na si Tom Rodriguez sa  nagkaduol na nga concert sa  "My Husband's Lover" sa Araneta Coliseum karong  October 12 kung diin ipakita nila ni Dennis Trillo ang ilang mga aksyon nga dili puwede ipakita sa telebisyon. Suma pa ni Tom nga dugay na kaayo nga giatngan sa mga viewers ang nahisgutan nga eksena apan dili gyud kini puwede ipakita sa telebisyon busa sa concert na lang kini nila buhaton.

Nagdumili hinuon pagbutyag si Tom kung unsa ang maong eksena aron masurpresa ang ilang fans nga manan-aw sa ilang concert. Samtang gipahibalo ni Tom nga excited na usab siya sa umaabot nila nga movie project ni Carla Abellana nga maoy sunod niya nga kabisihan inigkahuman sa MHL.

Chris Tiu nagpakasal na

Gikumpirmar sa  TV host ug basketball player nga si Chris Tiu nga gikasal na sila sa iyang long-time girlfriend nga si Clarisse Ong didto sa Vancouver, Canada.

Sa report sa  GMA News nga   niadtong  Setyembre 7 gihimo ang kasal nila ni Chris ug Clarisse nga gitambongan sa ilang mga kabanay ug suod nga mga higala.

Wala pa kapili ang magtiayon og lugar alang sa ilang honeymoon gumikan sa ka-busy ni Chris sa pagduwa sa Philippines Basketball Association (PBA) pinaagi sa grupong Rain or Shine.

Carmen Soo mobalik sa Pilpinas

Gikatakdang motikang ang Malaysian actress nga si Carmen Soo sa  premiere night sa pelikulang Alagwa sunod semana sa  SM Megamall.

Nasayran nga nalakip si Carmen sa maong pelikula ug pwerting lipaya niini sa dihang nasayran niya nga nakadawat ang Alagwa og mga pasidungog sa bag-ohay lang nga Guam International Film Festival.  Nihatag og grado nga “A”  ang Cinema Evaluation Board sa Alagwa  nga gibidahan ni Jericho Rosales kinsa co-producer usab sa maong pelikula.

Gawas nila ni Echo ug Carmen, nalakip usab sa Alagwa mao sila si Bugoy Carino, Leo Martinez  ug Smokey Manaloto. Naghisgot ang Alagwa og human trafficking  ug gigama kini niadtong tuig 2012.

Joseph nag-usab na

Giklaro ni Joseph Bitangcol nga nag-usab na siya karon busa nagkaanam-anam na og kabanhaw ang iyang showbiz career.  Suma pa ni Joseph nga dili pa ulahi ang tanan sa pag-usab sa iyang kaugalingon  ug usa na niini ang pagkontrolar sa bisyo niya sa inom.

Gretchen: Claudine na-confine gumikan sa drug abuse

Human silang tulo ni Marjorie ug JJ Barretto gibirahan sa ilang kaugalingong amahan sa presscon ni Claudine adtong Martes aron ihimakak ang akusasyon nga drug addict ang nauwahi, mitingog na si Gretchen pinaagi sa usa ka official statement nga ekslusibo niyang gipadala sa www.pep.ph adtong Miyerkules sa gabii.

Sa maong statement gibutyag ni Gretchen nga tinuod nga na-confine si Claudine sa basement sa Medical City gumikan sa drug abuse ug nga nagpaka aron ingnon ang ilang amahan nga giatake kini sa kasingkasing aron lamang muadto ang kontrobersyal nga aktres sa tambalanan.

Gikan matud pa sa basement, gipadayon matud pa ni Claudine ang iyang treatment didto sa usa ka facility sa Chana, Thailand.

“I would like to remind my father that in January 2011, he pretended to have suffered a heart attack and confined himself in Medical City and got my sister-in-law, Connie, to call Claudine at 2 a.m. so she could go to the hospital.”

“However, that was just a ploy to get Claudine confined at the basement for her severe drug abuse and mental condition,” tipik sa pamahayag ni Gretchen.

Gidugang ni Gretchen nga siya, ang iyang igsuon nga si Mito,ug asawa niini nga si Connie, ilang anak nga si John, si Marjorie ug ilang mga ginikanan  maoy nagplano sa nahisgutang confinement.

Suma pa niya nga gikan sa Thailand, mipailawom og counseling si Claudine kang Mr. Dondi Ayuyao.

Gipahinumduman pud ni Gretchen ang iyang amahan kabahin sa usa ka panagtagbo nga gipatawag niini niadtong December 21, 2012 sa Da-Ude Tea Place sa The Fort nga gitambungan nila ni Connie, JJ, Marjorie, John ug siya, mga alas tres sa hapon sa maong adlaw. Sa maong panagtagbo matud pa, gipahibawo sa ilang amahan nga pagka buntag sa maong adlaw, nakigtagbo siya kang Ms. Eos Capistrano, usa ka counselor  gikan sa White Plains kinsa namahayag nga kinahanglang ma-confine si Claudine sa basement sulod sa 12-18 months minimum.

“And that it was a choice of confining her at the basement or seeing her in the morgue at the rate she's going.”

“I remind him again that I am just repeating exactly what he said then. My father told us that his choice was to see Claudine in the basement and, of course, we all wanted the same thing,” nagkanayon si Gretchen.

Giklaro ni Gretchen sa iyang statement nga sukad niadtong Abril diin gisalikway siya sa iyang kaugalingon inahan ug gibuhat-buhatan siya og istorya sa iyang kaugalingong igsuon nga si Gia, nagpakahilom siya. Apan gumikan sa mga pamahayag sa iyang amahan batok niya ug sa iyang mga igsuong sila si Marjorie ug JJ, kinahanglan na matud pa niya nga mutingog aron depensahan ang iyang kaugalingon. (BANAT NEWS)