BOC-Port of Cebu nilapas og 2.74 porsyento sa target collection

CEBU, Philippines — Nikabat ngadto sa P4.875 bilyones ang nakolekta nga kita sa Bureau of Customs (BOC)-Port of Cebu niadtong Septiyembre 2026 diin nilapas kini og P129.943 milyones o 2.74 porsyento sa binulan nga target niini.

Base sa post diha sa Facebook page sa BOC-Port of Cebu nga nilapas ang koleksiyon sa pantalan sa target nga ?4.745 bilyones ug nilapas usab sa ilang tagsa-tagsa ka target ang Subports sa Mactan ug Dumaguete.

Ang Subport sa Mactan nakatala sa pinakataas nga sobra sa target human kini nakakolekta og ?606.859 milyones kompara sa target nga ?191.674 milyones diin nilapas kini ngadto sa ?415.185 milyones o 216.61 porsyento.

Samtang, ang Subport sa Dumaguete nakakolekta og ?753.435 milyones nga nilapas sa target nga ?720.522 milyones, nikabat sa ?32.913 milyones ang lapas o 4.57 porsyento.

Gipasalamatan ni Atty. Zsae Carrie De Guzman, district collector ang mga personnel sa Customs sa Collection District VII tungod sa maayong performance.

Gipadayag ni De Guzman ang panginahanglan nga mapadayon ang episyenteng operasyon, mapalig-on ang pag-monitor sa compliance ug masiguro ang koordinadong paningkamot sa pagkolekta sa kita.

Dugang sa BOC nga ang performance niadtong Septiyembre nagpakita sa padayong paningkamot niini nga matuman ang revenue objectives sa BOC samtang gisuportahan ang mga prayoridad ni Commissioner Ariel Nepomuceno sa pagpalig-on sa revenue collection, pagpalambo sa transparency ug pagpaayo sa operasyon sa Customs.  BDB BANAT NEWS