Nag-sideline og shabu

CEBU, Philippines — Wala makaipsot gikan sa mga kamot sa mga tinugyanan sa balaod ang usa ka 42-anyos nga roving branch head sa usa ka sa LPG company human kini nadakpan sa buy-bust operation sa mga operatiba sa Special Operations Unit(SOU)-7 PNP Drug Enforcement Group ug ubang law enforcement unit sa Sitio Laray, Barangay Guadalupe, dakbayan sa Carcar niadtong Lunes sa gabii, Hulyo 7, 2025.

Ang nadakpan mao si Jojie Nuico alyas Jojie, nagpuyo sa Barangay Tinago, No. 1, Dumaguete City, Probinsya sa Negros Oriental.

Nasakmitan ang suspetsado og 300 grams sa gidudahang shabu nga nagkantidad og kapin sa P2 million. Nakadawat og impormasyon ang mga operatiba labot sa modus sa suspek mao nga gi-monitor kini sulod sa usa ka buwan.  Nasuta nga maka dispose matod pa ang suspetsado og usa ka kilo sa ilegal nga drugas sulod sa usa ka buwan diha sa southern Cebu ug Dumaguete City.

Gisubay pa sa kapulisan kun asa gikan ang suplay sa iyang shabu. Kasong kalapasan sa Republic Act 9165 ang ipasaka batok sa suspetsado. Romeo D. Marantal, IBM BANAT NEWS