DVMF nisusi sa kahimtang sa mga hayopan sa kabukiran

CEBU, Philippines — Duha ka team sa Department of Veterinary Medicine and Fisheries (DVMF) livestock team ang nihimo og pakisusi sa kabukiran.

Kini ang gibutyag ni Dr. Jessica Maribojoc, pangulo sa DVMF nga nahinabi sa Banat News ug DyRF1215.

Matud ni Maribojoc nga ang ilang livestock team nagsusi karon ug naghatag og dinalian nga vet health assistance.

Ug nagpahigayon sila og monitoring sa sitwasyon sa kabukiran ilabi na sa mga kahayopan.

Sa pagkakaron wala pa sila nakadawat og report nga adunay nasakit o nangamatay nga mga hayopan ug padayon ang ilang pagbantay.

Gibutyag ni Maribojoc nga usa sa ilang request sa disaster ang budget alang sa temporary shelter sa mga hayopan ug kinahanglan kini nga butangan og tubig. (BANAT NEWS)