CDRRMO nagbantay sa mga lugar nga suroyanan
CEBU, Philippines — Gimonitor sa Talisay City Disaster Risk Reduction and Management Office (CDRRMO) ang mga lugar nga suroyanan aron masusi kun wala bay bata o tinun-an nga naglaroy-laroy.
Si Janice Sisa, training head sa CDRRMO nagkanayon nga gikan sa alas 10 sa buntag hangtud sa alas 3 sa hapon ang ilang pagsusi sa mga suroyanan sa dakbayan.
Ang ilang lakang gipasubay sa pagsuspenso ni Talisay City mayor Gerald Anthony Samsam Gullas sa face to face nga klase ug nibalik sa modular nga paagi.
Ang pagsuspenso sa face to face nga klase gumikan kini sa nasinati nga grabe nga kainit sa panahon.
Si Gullas nihangyo sa mga tinun-an nga samtang naa sa modular nga paagi sa klase dili kini magsuroy-suroy o ba kaha mangaligo na hinuon og dagat.
Samtang si Sisa niingon nga kung aduna silay makita nga tinun-an nga naglaroy-laroy ila gyud kini nga papaulion. (BANAT NEWS)
- Latest
