Face-to-face classes sa pribadong tunghaan sa Cordova nibalik na

CEBU, Philippines — Nibalik na sa ilang face-to-face classes ang mga pribadong tunghan sa Lungsod sa Cordova sugod kagahapon.

Kini maoy ilang gikauyonan sa duha ka adlaw  nga consultative meeting tali ni Mayor Cesar  Didoy  Suan ug sa mga school s principal, administrador sa mga pribadong tunghaan uban usab sa chairman sa Committee on Education sa konseho sa maong lungsod.

Si Suan nagkanayon nga sa ilang consultative meeting sa niaging ilang nauyonan sa mga nagdumala sa mga pribadong tunghaan ang pagbalik sa face-to-face classes tungod kay ubos sa memorandum sa DepEd nga mag-asynchronous classes o distance learning alang lang kini sa mga publikong tunghaan.

Ang  grabeng kainit  sa panahon nga nasinati sa Lalawigan sa Sugbo mao usab ang hinungdan  sa pagsuspeno sa face-to -face classes nga nagsugod niadtong Abril 3, 2024 sa tanang publikong tunghaan ug magpaubos ngadto sa modular classes ang mga tinun-an niini.

Matud usab ni Suan nga ubos sa maong kamandoan ang pagbalik sa physical classes  mag-agad kini sa rekomendasyon sa matag DepEd School District Supervisor ug mga school administrator sa  mga pribadong tunghaan.

Dugang ni Suan nga gipaniguro sa mga nagdumala sa mga pribadong tunghaan nga luwas ang panglawas  sa ilang mga tinun-an sa ilang pagbalik sa face - to- face  classes. (BANAT NEWS)