Pagpahigayon og earthquake drill gihingusgan sa Talisay
CEBU, Philippines — Gihingusgan sa Dakbayan sa Talisay ang pagpahigayon og earthquake drill sa nagkalain-laing establisamento.
Kini maoy gibutyag ni Alvin Santillana, pangu sa City Disaster Risk Reduction and Management Office (CDRRMO).
Matud pa niya nga gihimo nila ang earthquake drill sa kabarangayan, pribado ug pampublikong tunghaan ug pribadong edipisyo.
Gihatagan sab nila og mas daghan pa nga kaalam ang katawhan kung unsaon nila pagtubag ang epekto sa linog.
Ang Talisay gihatagan og kahimanan sa taga PHIVOLCS nga makamonitor sa intensity sa linog.
Naa nasab gibutang nga mga signage sa mga lugar nga gi identify sa taga PHIVOLCS ug OCD nga adunay fault line ilabi na sa bukirang barangay.
Ang mga barangay ang gitudloan usab sa pagpabakwit dayon sa katawhan kung pananglit moigo ang katalagman. (BANAT NEWS)
- Latest
