Durogista sikop atol sa buy-bust sa kapolisan sa Consolacion
CEBU, Philippines — Nadsakpan sa buy-bust operation sa Municipal Drug Enforcement Unit (MDEU) sa Consolacion Police Station ang pusher og shabu diha sa Sitio Sunflower 2 sa Barangay Tayud, Lungsod sa Consolacion.
Ang suspetsado giila sa kapolisan nga si Carl Vincent Ruiz Rojo, hingkod ang panuigon, nagpuyo sa nahisgotang dapit.
Ang kapolisan sa Consolacion Police Station nga gipangulohan ni Police Lieutenant Colonel Verniño Noserale ang nakadawat og impormasyon kalabot sa ilegal nga kalihokan sa suspetsado diha sa lugar.
Nasakmit sa kapolisan gikan sa suspetsdo ang mga pakete nga shabu ug gikatakda kining pasakaan og kasong kalapasan sa Section 5, Article 2 sa Akta Republika 9165 kun Comprehensive Dangerous Drug Act of 2002. BDB (BANATNEWS)
- Latest