P42 milyones nga tabang pinansyal gihatag ngadto sa tersero distrito
CEBU, Philippines — Moabot ngadto sa P42 million ang nadawat nga financial assistance sa kalungsoran sa tersero distrito gikan sa Probinsy sa Sugbo.
Ang lungsod sa Pinamungajan, Balamban, ug Barili nakadawat sa cheke nga nagkantidad og P8million gikan ni Gobernador Gwendolyn Garcia atol sa gipahigayon nga Caravan of Provincial Government Services sa siyudad sa Toledo.
Tag P5 milyones usab ang nadawat nga tabang pinansyal sa dakbayan sa Toledo, Aloguinsan ug Asturias samtang P3 million ang sa Tuburan.
Ang maong cheke gidawat sa ilang mga Mayor, kon diin ang maong tabang pinansyal gamiton sa mga LGU sa mga proyekto sa imprastraktura.
Atol sa Caravan of services sa Kapitolyo niadtong Nobiyembre 7, miabot sa 163 mil ka mga tinun-an sa tersero distrito ang nakadawat og school supplies gikan sa Kapitolyo.
163, 540 ka tinun-an sa pampublikong skwelahan sa maong distrito gikan sa kinder hangtud elementary, junior high school ngadto sa senior high school ang nakadawat og school supplies sama sa bag, notebook, ballpen, lapis, envelopes, t-shirts ug crocs sandals.
Ang Probinsya sa Sugbo pinaagi sa provincial school board nigahin og P287 million alang sa mga school supplies sa mga tinun-an sa Probinsya. (BANAT NEWS)
- Latest