Abag Sugbo gilusad sa Kapitolyo alang sa mga PWD
CEBU, Philippines — Usa ka programa alang sa mga persons with disability (PWD) ang gilusad sa Probinsya sa Sugbo.
Atol sa Caravan sa mga serbisyo sa Kapitolyo didto sa Toledo, gilusad sa Probinsya ang Abag Sugbo.
Sa maong programa, ang mga PWDs makapahimulos og P500 nga consultation package sa 16 ka provincial ug district hospitals sa Sugbo.
“Dili igo nga tagaan natog wheelchair, pagkahuman niana picturan lang, humana,” matud ni Gobernador Gwendolyn Garcia atol sa caravan of services niadtong Martes, Nobiyembre 7, 2023.
“Tanan nga mga PWDs paningkamotan nato nga mahatagan tamo og paglaum nga mapa-arang arang ang kinabuhi nga inyo karon naangkon,” dugang sa gobernador.
Eligible pud ang mga PWDs og libre nga hospital admission, lab tests ug medikasyon ug uban pa. Ang mga kabanay usab niini maoy mahatagan og unang pagtagad sa nagkadaiyang amelioration program sa Kapitolyo sama sa Sugbo Negosyo ug Sugbu Kahanas. (BANAT NEWS)
- Latest
