PhilHealth: Health Care Institutional Portal ma-access na

CEBU, Philippines — Ang Philippine Health Insurance Corporation (PhilHealth) nipahibawo sa ilang partner health facilities nga maka-access na sila sa Health Care Institution Portal.

Matud sa PhilHealth nga sa maong kalamboan dili na kinahanglanon sa mga miyembro nga mopresentar sa ilang printed MDRs aron makapahimulos sa mga benepisyo.

Gipaniguro usab sa PhilHealth ngadto sa mga Filipino, narehistro o wala nga entitled sila sa pag-avail sa ilang kaugalingon sa mga benepisyo ubos sa mandato sa Universal health Care Act.

Samtang ang frontline sysmtems padayon pa nga gi-restore, ang mga marehistro nga miyembro (kadtong walay PIN) kinahanglang mosumiter of accomplished PhilHealth Member Registration Form (PMRF) lakip sa supporting documents ngadto sa health facility aron maka-avail sa mga benepisyo.

Si Emmanuel Ledesma, Jr., pangulo sa PhilHealth nagkanayon nga subli siya nga nihangyo sa publiko nga magpabiling kalma ug mabinantayon batok sa phishing attacks nga mahimong motumaw sa datos nga gi-leak sa mga hacker.

Giawhag usab niya ang mga miyembro sa pag-ilis sa ilang passwords ug dili kini i-divulge ngadto sa ubang mga tawo.

Gipadayag usab ni Ledesma ang pahimangno sa mga eksperto nga dili tagdon ug dili i-click ang kadudahan nga links. Subay niini, ang PhilHealth nidasig sa mga miyembro sa pag-access sa PhilHealth Member Portal aron luwas nga susihon ang ilang membership ug record sa kontribusyon, tungod sa paglapas sa datos nga miresulta sa pagbalhin sa manual nga operasyon.

Gitugotan usab sa Member Portal ang mga miyembro nga makabayad ug mga kontribusyon (alang kini sa mga miyembro nga nagbayad sa kaugalingon) ug magparehistro sa mga accredited nga Konsulta nga mga provider nga ilang gipili aron makapahimulos primary care nga gibayran sa state health insurer.

Ang PhilHealth nipasidaan sa mga miyembro nga magmatngon ug siguradohon nga sa official website sila ni access (https://www.philhealth.gov.ph).

Giklaro sa PhilHealth nga ang website connection magsugod kini og https (hypertext transfer protocol secure) tag ug adunay display padlock connection secure icon sa wala nga bahin.

Aron maka-avail sa serbisyo sa Member Portal, ang first time users kinanghanglang mogama og account gamit ang ilang PhilHealth Identification Number (PIN) ug strong password. Ang confirmation ipadala kini sa email address ug kong madawat na ang confirmation sa PhilHealth mahimo na sila’ng mogamit sa mga serbisyo sa portal. — /BDB (BANAT NEWS)