10 ka tawo nasakmitan og shabu atol sa checkpoint sa MCPO

CEBU, Philippines — Gitanggong karon sa detention cell sa Mandaue City Police Office (MCPO) ang napulo ka tawo nga naglakip sa usa ka babayde kinsa nadakpan atol sa Comelec   checkpoint nga gipahigayon sa Police Station 1 sa MCPO.                                                                                                            

Ang Comelec checkpoint gipangulohan ni Police Major Andy Michael Roque, hepe sa Presinto 1 sa MCPO.

Atol sa ilang pagrekisa sa mga suspetsado ilang nasakpan nga ngdala kini og gagmay nga pakete sa shabu.

Ang mga suspetsado gikatakdang pasakaan og kasong kalapasan sa Akta Republika 9165 kun “Comprehensive Dangerous Drug Act of 2002”.  Nasayran nga kasagaran sa mga suspetsado nga nasikop human nasita sa checkpoint nagsakay og motorsiklo gikan sa Siyudad sa Sugbo.

Ang pipila sa mga motorista nga nakuhaan og shabu ang padulong na unta nga pauli sa ilang panimalay sa Lungsod sa Cordova, Dakbayan sa Lapu-Lapu, Dakbayan sa Mandaue ug Lungsod sa Consolacion.

Gituhoan nga gikan sa Siyudad sa Sugbo ang gidalang shabu sa mga suspetsado. (BANAT NEWS)