‘Kamote rider’ gidakop sa CT-TODA
CEBU, Philippines — Gidakop ang usa ka motorista human kini wala mituman sa lagda sa karsada diha sa Cebu South Coastal Road niadtong miaging adlaw.
Ang buhatan sa City of Talisay-Traffic Operation Development Authority (CT-TODA) nisaysay nga gikan sa Barangay San Isidro ang rider nga nag beating the red light.
Gipara kini apan wala manumbaling sa enforcer ug mipakusog pa kini sa pagpadagan. Nakorner ang rider diha na sa Barangay Lawaan 1.
Sa dihang gipakighinabi ang rider sa enforcer arogante pa kaayo kini, nangasaba ug mibuhi pa og bastos nga mga pulong batok sa enforcer.
Tungod niini giisyuhan og citation ticket ang rider ug gipasakaan pa og kaso ngadto sa Land Transportation Office (LTO).
Gihulagway ang rider nga usa ka ‘kamote rider’ nga maoy bansag sa mga drayber o riders nga dili magpakabana sa safety sa ubang motorista ug sa iyang kaugalingon samtang nagmaneho sa karsada. (BANAT NEWS)
- Latest
