Lalaki nakuhaan og usa ka kilong shabu
CEBU, Philippines — Usa ka gipasanginlang High Value Individual sa kampanya kontra ilegal nga druas ng nadakpan ug nakuhaan og usa ka kilong gituohang shabu sa gipahigayon nga buybust operation sa kapolisan sa Dakbayan sa Mandaue.
Ang Station Drug Enforcement Unit sa Casuntingan Police Station 4 sa MCPO pinangulohan ni Police Major Mikhail Mallorca niadtong Sabado sa gabii diha sa Pilit Cabancalan nga niresulta sa pagkasikop kang Noel Metante Borbajo alyas “ Tolyo,” 43, taga Purok Nangka, Barangay Tawason sa maong siyudad.
Matud pa ni Mallorca duha ngadto sa tulo ka semana nilang gimonitor si Borbajo.
Atol sa operasyon wala sila magtoo nga magdala kini og daghang shabu sa iyang backpack dihang ilaha kining gipalitan og 25 gramos sa maong drugas.
Nakuha gikan kaniya ang siyam (9) ka dagkong putos nga tag 100 gramos tulo(3) ka tag 25 gramos ug lima ka tag singko gramos nga gituohang shabu.
Sa pikas bahin, ang City Intelligence Unit (CIUP) sa Lapu-Lapu City Police Office (LCPO) misikop sa laing HVI nga giilang si Joel Good Ybanez, 48, sa ilang operasyon diha sa Sitio Tigkahon sa Barangay Bankal.
Ang suspek nakuhaan og 105 gramong gidudahang shabu nga nagkantidad og P714 mil.— /IBM (BANAT NEWS)
- Latest
