1,700 ka mananagat nakadawat og ayuda sa Talisay
CEBU, Philippines — Nakadawat og ayuda ang 1, 700 ka rehistrado nga managat sa dakbayan sa Talisay gumikan sa pipila ka adlaw nga wa makapanagat gumikan sa dili maayong lakat sa panahon.
Lakip sa gipanghatag sa City Social Welfare and Services mao ang mga relief goods, sama sa bugas ug mga canned goods.
Nasayran niadtong Biyernes giapud-apud usab ni Talisay City Mayor Samsam Gullas ug mga sakop sa Talisay City Council ang ayuda ngadto sa mga mananagat sa pito ka coastal Barangays sa Dakbayan.
Kini mao na ang ikaduhang higayon sa pagpanghatag sa ayuda ngadto sa mga mananagat kinsa nabalda ang pagpanagat sulod sa duha ka semana gumikan sa kabaloron sa dagat mugna sa hanging habagat.
Bisan kon arang-arang na ang kahimtang sa panahon, padayon gihapon nga gipasidan-an ang mga mananagat nga dili mokompyansa sa ilang pagpanagat. (BANAT NEWS)
- Latest