BIDA kontra ilegal nga drugas ilusad karong adlawa
CEBU, Philippines — Karong adlawa, Hulyo 29, 2023, Sabado ilusad ang Buhay ay Ingatan, Droga ay Ayawan (BIDA) Program sa Department of Interior and Local Government (DILG) diha sa Hoops Dome, Dakbayan sa Lapulapu.
Matud ni Police Lt. Col. Gerard Ace Pelare, tigpamaba sa PRO-7 nga ang BIDA Program sa DILG kabahin sa ilahang pakigbatok sa illegal nga drugas diin ang konsepto niini mao ang demand reduction sa illegal drugs.
“This is a strategy in demand reduction, makita ninyo diri ang rehabilitation, ang education parts sa ill effects sa illegal drugs so while we are very aggressive reduction strategy ang BIDA will support the other part which is the demand reduction so makita nimo pinaagi sa BIDA nahimong comprehensive atong fight against illegal drugs,” sigon ni Pelare. Gibana-bana nga moabot sa 30,000 ka mga tawo ang moapil sa maong kalihukan ug tambungan sab kini sa mga mayor ug governors dungan sa pagbutyag nga gusto gyud nila ipakita nga dili ganahan ang Central Visayas sa illegal drugs.
Karong adlawa dunay fun run himoon, caravan services ingon man awarding sa mga Anti-Drug Abuse Council nga maayo og performance sa pagpakunhod sa illegal nga drugas.
“These are people who are supporting BIDA, naay force multipliers, naay religious group members, naay youth katong KKDAT, Police officers, Fire Officers, Jail Officers, of course Local Government Unit Officers, this is a massive movement of people to show nga ang Central Visayas is saying no to drugs,” matud ni Pelare.
Epektibo matod pa ang BIDA program ug kun consistent lang gyud nga mapatuman mokunhod gyud ang demand kay maedukar man niini ang katawhan ilabi na sa kabataan sa dili maayong epekto sa illegal nga drugas. IBM (BANATNEWS)
- Latest