Cash aid sa mga PWDs ihatag karong Biyernes
CEBU, Philippines — Gianunsyo kagahapon sa Cebu City Department of Social Welfare and Services (DSWS) ang petsa sa pag-apod apod sa laing hugna sa financial assistance alang sa mga persons with disabilities (PWD) ug mahitabo kini karong Biyernes, Hulyo 14. Madawat sa mga PWD ang balig tulo ka buwan nga moabot ngadto sa P3, 000 nga nanukad sa buwan sa Abril, Mayo ug Hunyo.
Nasayran nga dul-an sa 13,000 ang na-rehistro nga PWDs sa Dakbayan sa Sugbo ug giawhag kini nga mohimo og koordinasyon sa ilang mga barangay alang sa kasayoran ilabi na sa venue sa pag-apod apod sa ayuda.
Una na nga gibutyag sa kagamhanan nga gamit kaayo ang maong assistance alang sa panginahanglanon sa mga PWD ilabi na kadtong dunay gimintinar nga tambal. Ang distribusyon pagahimoon sa 80 ka mga barangay pinaagi sa idestino nga disbursing officers.
“Gi awhag atong mga Qualified Persons with Disabilities (PWD) na pag coordinate sa ilahang barangay sa proseso sa pag panghatag sa financial assistance. Palihug pag dala sa original PWD ID,” tipik sa advisory sa lokal nga Kagamhanan sa Siyudad sa Sugbo.
Ang maong klase nga ayuda nakabase sa City Ordinance 2456. (BANAT NEWS)
- Latest