Nagyungyong nga wire nakabitik og rider
CEBU, Philippines — NMaayong pagkabitik sa liog sa usa ka delivery rider human kini masangit sa nagyungyong nga wire diha sa karsada sa Barangay Biasong, Dakbayan sa Talisay niadtong adlaw nga Martes.
Sa Facebook post ni Jefferson Balili Okan iyang gipakita ang iyang liog nga nalanggos resulta sa wire nga nagbitay. Padung na siya nga mopauli sa dihang siya nabitik pero maayo nalang kay nakahunong siya sa iyang gimaneho nga motorsiklo.
Si Jonathan Tumulak, pangu sa City of Talisay-Traffic Operation Development Authority (CT-TODA) nibutyag nga iyang pakigkitaan ang representante sa electric ug telecommunication company aron mahisgutan kung unsa ilang himuon kalikayan ang susama nga hitabo.
Asoy pa ni Tumulak nga sukad sa buwan sa Enero hangtud karon nakatala na sila og unom ka insidenti sa pagkasabod sa mga nabitay nga wire. Gani niadtong miaging semana usa sab ka truck nga nagkarga og flatbed truck ang nakasabod sa wire sa kuryenti hinungdan sa pagkaputol sa tulo ka poste didto sa Barangay Poblacion. Ang panghitabo niresulta sa pagkapawong sa koneksyon sa kuryenti sa Barangay Poblacion nga nilanat og taas nga oras. IBM (BANATNEWS)
- Latest