Pag-demolis sa skywalks kinahanglang pinasubay gyud sa balaod—Gealon

CEBU, Philippines — Gimandoan sa Konseho sa  Siyudad sa Sugbo  ang Office of the Building Official (OBO) , Department of Engineering and Public Works (DEPW)  ug Cebu Bus Rapid Transit management ug contractor nga sundon ang mga legal nga pamaagi ug proseso sa  bahin sa demolisyon sa mga skywalks sa Fuente Osmeña Circle ug Cebu Normal University. 

Ang maong sugyot kay gipaagi og resolusyon  ni Konsehal Rey Gealon  nga napasar sa bag-ohay lang nga sesyon sa konseho .

Giklaro hinoun ni Gealon nga wala hinuon siyay nadawat nga report kun duna ba'y problema sa pagpatuman sa demolisyon apan nanegurado lang gyud siya daan aron mahimong tulin ang pagpadayon sa  konstruksyon sa BRT project.

"Naneguro raman ta, kay dili ta ganahan nga basin magkaproblema na hinoun ta sa umaabot nga mga adlaw. Kay kon duna ta'y gub-on nga property sa gobyerno ,kinahanglan man gyud na nato nga i-report sa COA , 'saysay pa ni Gealon sa pakighinabi niini sa Banat News  kagahapon.

Matud pa niya nga wala ray pagsupak ang konseho sa pagpaguba sa maong mga imprastraktura apan labing maayo nga susihon daan ang legalidad aron mahimong tulin ang pagpatuman sa proyekto.  

"There is a need to comply with the requirements set forth by P. D. 1096, the National Building Code of the Philippines, and Commission on Audit Circular No. 89-296 dated January 27,1989."

Nagkanayon  si Gealon nga bisan ang gagmay nga mga butang kay  mag-agi sa COA, busa unsa nalang kaha ang mga dinagko nga proyekto.

Ang pagguba sa maong mga skywalks himuon aron mapadali ang pagtukod sa BRT project nga karon gisugdan pinaagi sa Package 1 nga karon sa  22-percent ng                  nahuman.

Ang uban  niini   kay kabahin sa  1.15 kilometer road enhanceent sa  corner  P. del Rosario ngadto sa  Plaza Independencia. Aduna pu'y gitagana nga  lanes alang sa  2.38 kilometers nga gitas -on gikan sa  Cebu South Bus Terminal ngadto sa  Capitol. 

Maka- accommodate kini sa dili mominus og 80 units nga buses. Ang package 1 dunay total budget nga kapin sa P900 million. Maigo sa package 1 ang nahisgotan nga mga skywalks. (BANAT NEWS)