Karne sa manok nga gipalusot nasakmit sa DVMF
CEBU, Philippines — Mokabat sa 555 ka dressed chicken ang napugngan sa mga tinugyanan sa Department of Veterinary Medicine and Fisheries DVMF nga dalhon unta sa nagkadaiyang lugar sa dakbayan sa sugbo, human wala kini mga dokumento.
Kini ang gibutyag ni Dr. Jessica Maribojoc ang pangulo sa DVMF nga nahinabi sa Banat News.
Matud pa ni Maribojoc, kabahin sa ilang mandato ang pagsiguro nga luwas kan-on ang mga baligya ngadto sa katawhan. Ang maong mga manok nasakmit duol sa may Talamban area nga giihaw sa gawas sa dakbayan sa Sugbo.
Walay napakita nga meat inspection certificate ug lakip ang gisakyan niini walay registration nga kini otorisado gikan sa National Meat Inspection Service nga maoy gikinahanglan. Dugang pa ni Maribojoc, ang maong mga manok nga gisulod og drum dalhon unta kini sa nagkadaiyang dapit sa siyudad aron ipamaligya. (BANAT NEWS)
- Latest
