Mokabat sa P38 milyon ang pasiunang abang nga makuha sa Kapitolyo
CEBU, Philippines — Mokabat ngadto sa P38 milyones ang pasiunang abang nga kinahanglang bayran sa 11 ka establisemento nga nilapas sa luna nga gipanag-iya sa Probinsiya sa Sugbo diha sa Osmeña Boulevard, Dakbayan sa Sugbo.
Base sa pasiunang kwentada sa Capitol finance consultant Yvonne Gomos nakita nga niabot ngadto sa P37.7 milyones ang abang base sa annual raw land lease rates gikan sa tuig 2014 ngadto sa 2023 diin P400 matag metro kwadrado matag bulan ang basehan ubos nsa kasamtangang rate sa Consumer Price Index.
Base sa taho sa Sugbo News nga sa 11 ka establisamento kinahanglang mobayad og P19.4 milyones ang usa ka hospital nga apil sa mga establismento nga nilapas sa luna sa Kapitolyo, adunay establismento usab nga moabot ngadto sa P12.3 milyones ang bayranan ug P5.4 milyones.
Ang maong kwentada isumiter ngado sa Provincial Economic Enterprise Council ug Cebu Provincial Board human sa proper accounting ug dokumentasyon.
Nasayran nga 22 ka establismento ang nilapas sa giangkon nga bahin sa luna sa Kapitolyo apil sa dalan ug sidewalks diha sa Osmeña Boulevard gikan sa Cebu Capitol hangtud sa Fuente Osmeña Circle.
Sa niaging mga semana, padayon ang tigom nga gihiimo sa Kapitolyo uban sa mga tag-iya ug representante sa maong mga establisemento diin si Garcia subling nipasabot nga iyang obligasyon isip “custodian” sa mga kabtangan sa probinsiya nga mahatagan og hustong ang Probnisiya sa Sugbo ug kon dili kini niya mahimo posible siya ang mag-atubang og dereliction of duty. – BDB (BANATNEWS)
- Latest
