Daghang trabaho nagpaabot sa job fair sa Mandaue

CEBU, Philippines — Gilauman nga daghan sa mga Mandauehanon ang makasulod og trabaho tungod sa 5,000 ka mga bakante nga ilang kaaplayan sa job fair nga pasiugdahan sa Public Employment Services Office (PESO) sa maong dakbayan nga himoon sa Abril 29, 2023.

Si Musoline Suliva, pangulo sa PESO miingon nga ang job fair adto ipahigayon sa Mandaue City Sports and Cultural Complex sa sitio Tribunal sa Barangay Centro.

Matud pa ni Suliva nga mokabat sa 33 ka mga local nga trabaho ug upat usab ka mga kompaniya ang mipadayag na sa pagsalmot sa job fair. Naglakip sa mga bakanteng trabaho nga itanyag sa maong job fair mao ang production ug mga mall workers, nurses, carpenters, call center agents ug uban pa. — MEL (BANATNEWS)