Rossel: Daghang abogado naglihok sa kaso batok ni Rama
CEBU, Philippines — Si Atty. Collin Rossel, secretary to the mayor nibutyag nga adunay panel of lawyers nga naglihok karon aron tubagon ang kasong kriminal ug administratiba nga gipasaka sa concerned citizen batok kang Mayor Michael Rama ngadto sa Ombudsman Visayas sa nilabay’ng semana.
Sa pamahayag ni Rosell diha Public Information Office nga kong kabahin sa mga igsuon sa asawa ni Rama nga si Malou giingong nagtrabaho kini sa city hall sukad pa niadtong tuig 2015 ug ang renewal sa ilang mga kontrata nagsunod sa proseso nga gipatuman sa Human Resource Department.
Nasayran nga usa ka concern citizens nga si Jonel Saceda o naila sa pangalan nga “Inday Josa Chiongbian Osmeña” nipasangil kang Rama og nepotism, grave misconduct ug graft and corruption sa pagpatrabaho sa mga igsuon isip nga casual nga kawani diha sa city hall.
Si Rossel nagkanayon nga walay angay kabalak-an tungod kay usa sila ka grupo diin adunay departamento nga na-assign niini.
Si Rossel nipadayag sa maong pamahayag atol sa flag raising ceremony kagahapon sa buntag diha sa Plaza Sugbo.
Dugang ni Rossel nga walay angayan nga ikabalaka tungod kay ang pangagamhanan adunay daghang mga abogado ug dili lang sa city hall apil na usab ang mga kauban nilang mga abogado nga anaa sa gawas ug sa mga dumadapig. (BANATNEWS)
- Latest