100 ka watchmen gipakatap alang sa siguridad sa mga eskwelahan sa Naga

CEBU, Philippines —  Si Mayor Valdemar Chiong sa Dakbayan sa Naga nimando sa pagpakatap og watchmen dihasa mga eskwelahan sa siyudad human sa nahitabong pagpatay sa magtutudlo nga si Jhun Leo Pañares.

Gikompirma ni Chiong nga ni-hired sila og 100 ka watchmen nga i-augment diha sa mgaeskwelahan sa siyudad.

Ang kagamhanan sa siyudad maoy moabaga sa suholan sa mga watchmen diin matud ni

Chiong aduna na sila’y budget nga gitagana alang niini. Ang kagamhanan sa siyudad nakigtagbo sa mga representante sa Department of

Education (DepEd) sa lokal, kapolisan, barangay ug school officials lakip ang ubanng concerned stakeholders aron tukion ang peace and order ilabi na sa mga tulunghaan.

Matud ni Chiong nga gawas sa pagpakatap sa mga watchmen nasabutan usab nga sigurohon ang tanang mga mobisita sa tulunghaan nga mailhan, maihap ug mabutang sa logbook.

Girekomendar usab nga ang mga magtutudlo ug estudyante mopahibalo o makig-alayon

usab sa ilang mga labaw nga mobisita sa tulonghaan ilabi na kong walay klase. Ang maong pamahayag ug kasabotan natuki human sa kamatayon ni Pañares diin ang

patay’ng lawas niini nakit-an diha sulod sa stockroom sa Naga City Integrated Science Technology Culture and Arts niadtong adlaw’ng Domingo.

Nunot niini, niadtong Martes sa hapon si Padre William Alcalde nipahigayon og blessing diha sa lugar diin nahitabo ang krimen ubos kini sa hangyo sa presidente sa

Parents Teachers Association (PTA). Matud ni Alcalde nga ang maong gihimo niya usa ka simple nga blessing ug nag-ampo

 usab sila alang sa eternal repose ni Pañares.Ang mga maestro, staffs, pipila ka mga ginikanan ug guardians sa mga estudyante

nitambong sa maong kalihokan. — Gabriel C. Bonjoc/BDB (BANAT NEWS)