TCC dili pa makahatag og kursong nursing
CEBU, Philippines — Gipadayag ni Dr. Richel Bacaltos, presidenti sa Talisay City College nga maglisod pa ang TCC nga makahatag og kursong nursing.
Matud pa niya nga kaniadto aduna silay kurso nga nursing apan ila ra kini nga gipasulod sa uban nga tunghaan nga naa sa siyudad.
Nagkanayon si Dr. Bacaltos nga lisod pa gyud sa maong tunghaan nga makahatag sa kurso tungod kay daghan nga mga rekisitos ang gikinahanglan nga tumanon ubos sa polisiya sa Commission on Higher Education (CHED).
“Daghan gyud kaayo og kuwang sama sa laboratories, atong facilities unya mo tie up pa ta og hospital niana ug ang teachers nato magkinahanglan gyud na og masters degree. Kung mo apply gani ta mo secure pa ta og certificate of program compliance which is lisod pa gyud,” asoy pa ni Bacaltos.
Matud pa niya nga taas nga proseso ang gikinahanglan.
Si bise mayor Richard Francis “Choy” Aznar niingon nga usa sa programa nga gihingusgan ni mayor Gerald Anthony “Samsam” Gullas mao ang edukasyon.
Hinungdan nga di ra mabalaka ang Talisaynon kay ang cream of the crop nga programa sa mayor mahimo makahatag sa kurso nga nursing.
Si Bacaltos nitataw nga sa cream of the crop program aduna silay 34 ka mga tinun-an nga kwalipikado ug kasagaran kanila ang interesado nga mokuha sa kurso nga nursing. (BANAT NEWS)
- Latest
