122 ka piniriso ni-gradwar sa ALS

CEBU, Philippines — Mokabat sa 122 ka mga Person Deprived of Liberty PDL sa Cebu City Jail Male Dormitory ang mahinangpon ug malipayon samtang nagsul-ob sa ilang toga ug capa atol sa ilang moving up ceremony sa Alternative Learning System.

Sa maong gidaghanon, 102 niini ang ni graduate sa High School, samtang 20 ang nihuman sa Elementary ug mopadulong na usab sa high school.

Ang mga ALS Teacher, BJMP Instructional Manager ug ang walo ka mga PDL-Volunteer Teachers nikomitar sa ilang kaugalingon sa pagtudlo sa mga PDL sa essential life skills.

Kini maoy magsilbing yawe sa ilang kabag-ohan ug development opportunities sulod sa jail facility bisan sa mga hagit nga dala sa COVID-19.

Ang Cebu City Jail Warden nga si JSUPT Jose Rusylvi Abueva, nipadayag nga ang edukasyon maoy bahandi nga dili malangkat gikan sa usa ka tawo ug maoy sakyanan sa PDL ngadto sa iya unyang kalampusan, bisan sa gawas na unya sa mga rehas. MEL (BANATNEWS)