Kanhi konsehal nakuryentihan patay
CEBU, Philippines — Usa ka 61anyos nga kanhi konsehal sa Lungsod sa Santa Fe ang nakalas human kini nakuryentihan niadtong Lunes diha sa Sitio Mahayahay, Barangay Talisay sa maong lungsod.
Ang nakalas mao si Alex Pacaña, residente sa maong lugar. Base sa imbestigasyon sa kapolisan pinangulohan ni Police Staff Sergeant Jay Manlangit dunay gipatrabahong linya sa kuryente ang kanhi konsehal sa iyang negosyo sa water refilling station. Apan giingong aksidente niini nga nahikapan ang nagbitay gikan sa kahoy nga napaksit nga wire hinungdan nga kini nakuryentihan. Ang iyang trabahante pagkakita sa hitabo dali-daling gipawong ang main switched ug daling gidala sa Bantayan District Hospital ang agalon apan gideklarar kini nga dead on arrival pagabot didto.— IBM (BANATNEWS)
- Latest