Founding Anniversary sa probinsiya way dakung kalihukan
CEBU, Philippines — Simple ra unya ang himoon nga selebrasyon sa Kapitolyo atol sa ika-452 nga founding anniversary sa Probinsya sa Sugbo karong Agosto 6, 2021.
Matod ni Gobernador Gwendolyn Garcia nga tungod kay anaa pa man ang pandemya sa COVID-19 ug ang Dakbayan sa Sugbo kon asa nahimutang ang Kapitolyo, sama sa niaging tuig, adunay ipahigayon nga flag ceremony nga pangulohan sa gobernador ug bise gobernador Hilario Davide III.
Samtang ang mga Mayor motambong niini sa virtual nga paagi. Nanghinaot hinoon si Garcia nga mokunhod na ang mga kaso sa COVID-19 sa Sugbo aron nga makapadayon sila sa pagpahigayon sa ubang kalihokan nga nahisubay sa anibersaryo niini.
“Its like Déjà vu… Ang atong Cebu City MECQ man so di man ta maka celebrate dinhi, bisan tuod og na MGCQ ta og July pagka August atong celebration MECQ man ang Cebu City so mao na nabalik na sab…Let`s hope nga after the 15th kay kutob mani August 15 ma-manage nato, our cases will start to drop”matod ni Garcia.
“ang atong mga activities unta like One Cebu expo, kaning Sugbo Negosyo nato kaning Agro-fair we can then schedule hopefully on the third or last week of August kay we have celebrated the founding anniversary on a month long basis,” dugang sa gobernador.
Sumala sa Republic Act 8952 giamendahan ni kanhi kongresista Pablo Garcia ubos sa Republic Act No. 7698, gideklarar nga non-working public holiday ang Agosto 6 lukop Probinsya sa Sugbo. —MEL (BANATNEWS)
- Latest
