Nagpusil sa ulo

CEBU, Philippines — Patay ang usa ka on-call nga driver human kini giingong miilog sa armas sa usa ka gwardiya sa pawnshop ug nagpusil sa iyang ulo diha atubangan sa Ouano Building, Purok Narra, Barangay Tayud, Lungsod sa Liloan kagahapon sa hapon.

Ang gituohang naghikog mao si Zenon Juson, 56, lumad nga taga Clarin Bohol, ug temporaryong nagpuyo sa Purok Kamatis, Barangay Calero sa maong lungsod.

Samtang ang giilogan og armas mao ang gwardiyang si Jason Caburnay,  taga Barangay Labogon sa Dakbayan sa Mandaue.

Base sa imbestigasyon sa Liloan Police Station, si Juson kalit nga nibunlot sa gisukbit nga kalibre .38 ni  Caburnay. Matud pa naglinayogay pa ang duha apan gilupig kini sa namatay ug nakuha gyud iyang armas. Matud pa milakaw dayon padung sa atubangan sa pawnshop nga gibantayan sa gwardiya si Juson ug walay daghang estorya gipusil niini ang iyang

Gidala sa Mendero Hospital sa Consolacion si Juson apan gideklarar nga dead on arrival.

Ang igsuon ni Juson nipadayag nga dunay personal nga problema ang iyang maguwang ug wala siya’y gibasol sa nahitabo niini.— IBM (BANATNEWS)