Inspeksyon sa mga kargamento sa barko gustong pahugtan sa kapolisan

CEBU, Philippines — Pakigtagboan sa kapulisan sa Dakbayan sa Sugbo ang mga shipping owners aron palig-unon ang seguridad ug inspeksyon sa ilang mga kargamento human nakalusot ang dili mominos upat ka kilo kapin nga shabut sa nilabay nga semana.

Ang maong ilegal nga drugas nasakmit sa buy bust operation batuk sa duha ka mga suspetsado kinsa nakalas human namatay human nakigpinusilay sa mga operatiba sa kapolisan.

Matud pa ni Police Col. Josefino Ligan, Cebu City Police Director ang maong ilegal nga drugas nakalusot pinaagi sa pagsagol niini sa mga baligyang ready to wear (RTW) nga sapot nga gikarga sa barko.

Buot pakigtagboan ni Ligan ang shipping owners aron hisgutan ang pwedeng buhaton aron dili magamit sa mga ilegalista ang ilang mga barko sama sa shipment sa mga kontrabando ilabi na ang ilegal nga drugas.

Ang nasakmit nga P30 milyones nga kantidad sa upat ka kilong shabu gikan sa kaulohan nga gideklarar nga RTWs. —IBM (BANATNEWS)