Kumbento gilungkab, salapi nasakiyo sa mga kawatan

CEBU, Philippines — Kumbento sa St. Joseph Parish sa Barangay Tabunok, Dakbayan sa Talisay ang gikungkab sa wa matinong mga kawatan kagahapon sa kaadlawon.

Ang panghitabo nakuha pa CCTV camera sa simbahan kun diin tulo ka mga lalaki ang nakita nga nanguha salapi.

Si Guillermo Mabunay, tanod nga gidestino sa simbahan nihulagway nga miabot na sa P10 mil ang nahanaw. Samtang ang ilang sekretarya nawad-an sab og kapin P10 mil.

Si Antonio Talara, modawat og pamisa ang nakuhaan sab og kapin P30 mil pesos nga salapi.

Ang pagpanglungkab nahitabo mga alas- 4 sa kaadlawon sa wala pa nangabot ang mga kawani alang unang misa sa alas 5 sa kaadlawon.

Nakurat nalang sila pagabot kay nagpasad ang mga butang ug ang ilang mga salapi nangawagtang na. Si Talara niingon nga tinigom kadto nga mga salapi sud na sa pipila ka tuig.  Si Police Corporal Clifford Lerio sa Talisay City Police Station nibutyag nga gawas sa tulo nga nisulod sa kumbento duna sab silayaing look out sa gawas.

Mao na kini ang ikatulo nga pagpanglungkab sa siyudad karong buwana.

Si Padre Eugene Narciso nagkanayon nga makaluluoy ang nagbuhat sa ingon kay nagtuo siya nga nabuhat nila kini tungod sa kawad-on.

Apan siya miingong nga kung madakpan sila kinahanglan silang pasakaan og kaso aron dili sun-on sa uban.— IBM (BANATNEWS)