Debt Coalition nanawagan og full accounting sa 2020 budget

CEBU, Philippines — Ang Debt Coalition Cebu nanawagan og “full accounting” sa 2020 budget samtang wala pa maaprobahi ang  giduso nga 2021 annual budget.  Ang nahisgutang grupo nagkanayon nga ang maong pamaagi maoy usa sa tamdanan alang sa maayong panggobiyerno diin ipatigbabaw ang transparency.

Naglakip sa maong grupo ang Sanlakas- Cebu, Oryang- Cebu, KPML- Cebu, ug Bukluran ng Manggagawang Pilipino. “We demand full accounting of 2020 budget prior to the enactment of 2021 annual budget. This is the essence of promoting good governance where fiscal management, accountability and transparency are being pursued and practiced”, tipik sa pamahayag sa grupo.

Samtang sa mga nangaging budget hearing giobserbahan kini sa maong grupo ug ilang panghinaot nga magahinan og hustong pundo ang labing gikinahanglan sa mga tawo ilabi na nga nagsagubang kini karon sa pandemiya.

“The city must adhere to prioritize budget appropriations for the vaccines and let go of the budget that is totally self-serving and inappropriate in these pandemic times”, laing tipik sa pamahayag sa grupo.

Dugang sa grupo nga katungod sa mga residente sa siyudad nga masayod sa padulngan sa kwarta gikan sa panudlananan sa gobiyerno sa siyudad. “We call on the people of Cebu City to join with us in realizing a city government that will first and foremost ensure the interests and welfare of its constituency by promoting good governance, sound fiscal management, accountability and transparency”,  dugang sa grupo. — BDB (BANATNEWS)