Dul-an 100 pasahero natanggong sa Danao

CEBU, Philippines — Dul-an 100 ka pasaherong padung sa isla sa Camotes ang natanggong sa pantalan sa Danao City niadtong Sabado sa  gabii Nobiyembre  7, 2020 tungod sa sa tropical depression Tonyo.                                          

Ang Philippine Coast Guard wala motugot makabiyahe ang mga motorbanca gikan sa Danao padung sa maong isla tungod sa dautang panahon.

Ang lokal nga kagamhanan sa maong dakbayan gabii na nga mipahibalo pinaagi sa ilang advisory ug miatiman sa mga na-stranded nga pasahero pinaagi sa ilang City Disaster Risk Reduction and Management Office (CDRRMO).

Gihatagan sila og  food packs nga gihikay sa Bayanihang Cooking sa kagamhanan sa maong dakbayan. —Romeo T. Limpangog/IBM

Cebu City nakatala og dugang 12 ka bag-ong kaso

Ang Central Visayas nakatala og dugang 43 ka mga bag-ong kaso sa Covid-19 base sa Nobiyembre 7, 2020 nga datus sa Departmen of Health (DOH-7).

Sa mga bag-ong kaso, 12 niini ang sa Cebu City, tulo sa Lapu-Lapu, duha sa Mandaue, 22 sa Probinsya sa Sugbo upat sa Negros Oriental.

Duha usab ang nadugang sa mga namatay hinungdan nga anaa sa 1, 358 ang deah toll gikan sa 22, 705 nga cumulative total lukop region 7. Sa case bulletin sa DOH-CV kagahapong adlawa  ang Cebu City adunay 161 active cases apan base sa monitoring sa EOC duna nalang karoy 114 active cases, ang 21 niini naa sa tambalanan.

Sa samang adlaw, napun-an og tulo ang nangaayo sa siyudad ug karon miabot na tanan og 9,455 gikan sa 10, 296 nga kinatibuk-ang kaso. Niubos nasab ang aktibong kaso sa Covid-19 sa Dakbayan sa Talisay human nga wala nasay bag-ong natala nga nataptan ug dunay usa nga naayo na gikan sa maong sakit base sa nigawas nga datos sa DOH-Central Visayas niadtong Nobiyembre 6.

Ang kinatibuk-ang kaso niabot na sa 992 apan ang nakarekuber naa sa 888 ug ang nangamatay naa sa 98.

Ang numero sa mga aktibo sa corona virus nagsaka og kanaog sa milabay nga adlaw. Sud sa 22 ka barangay, 18 na ang Covid-free. Ang pabiling barangay nga adunay kaso sa virus mao ang Dumlog, Linao, Mohon ug Tabunok.

Tungod niini anaa sa 864 ang active cases sa Covid-19 samtang 20, 483 na usab ang kinatibuk-ang naayo human nga 24 usab ang nadugang sa mga recoveries. — Gabriel Bonjoc/IBM (BANATNEWS)