Fiesta sa Talisay way bisita, Archbishop Palma nagmisa
CEBU, Philippines — Cebu Archbishop Jose Palma nipaambit sa tulo ka A sa iyang misa sa kapistahan ni Sta. Teresa de Avila sa Dakbayan sa Talisay.
Ampo, amping ug ambit maoy panawagan ni Archbishop Palma ngadto sa mga Talisaynon atol sa iyang misa nga gihimo sa kapistahan ni Sta. Teresa de Avila kagahapon sa buntag.
Si Palma nipasabot sa katawhan nga lahi karong panahona tungod kay daghan ang gibawal, apan kining tanan angayan nga sabton tungod ug alang sa kaluwasan sa tanan.
Hinuon giampo ni Palma ang tanan nga nangamatay gumikan sa covid-19.
Panghinaot lang niya nga mopadayon ang tanan sa pagpuyo ning kalibutana sa pagsalig sa labaw nga makagagahom.
Ang Dakbayan sa Talisay nagsaulog sa kapistahan kagahapon diin daghang limitasyon sama sa pagdili sa pagdawat og mga bisita aron kalikayan ang tinakdanay sa makamatay nga coronavirus disease.
Wa usay gihimong mga kalingawan gawas lang sa mga kalihukan sa simbahan. /MEL (BANATNEWS)
- Latest
