Pista sa Naga walay bisita nga tugotan
CEBU, Philippines — Subli nga gipahinumdom sa kagamhanan sa Siyudad sa Naga nga dili lang una modawat og mga bisita sa pagsaulog sa kapistahan sa ilang patron karong adlawa.
Ang siyudad magsaulog sa kapistahan ni Saint Francis of Assisi sa Oktubre 10 matag tuig.
Ang siyudad alegre kini matag tuig kong magsingabot na ang pista tungod kay adunay daghang kalingawan.
Apan gumikan sa pandemiya mga misa na lang ang gipahigayon tungod kay walay mga kalingawan nga gipasiugdahan.
Ang Public Information Office sa siyudad nipahibawo nga dili modawat og bisita ang mga lumulupyo sa lugar aron kalikayan ang pagkuyanap sa COVID-19.
Nasayran nga ang siyudad aduna na lang kini 10 ka aktibong kaso sa COVID-19 apan dili gihapon sila mokompiyansa tungod kay ang virus wala kini mawagtang.
Gihangyo usab ang tanan nga ang ilang panalangin itingub ngadto sa ilang patron aron mahingpit na unya nga mawagtang ang virus. /BDB (BANATNEWS)
- Latest
