700 negosyo sa Mandaue way mga permit

CEBU, Philippines — Moabot sa 700 ka mga establisamento sa Dakbayan sa Mandaue ang gipadad-an og notisya sa Business Permit and Licensing Office (BPLO)  sa dakbayan  tungod sa pagnegosyo nga walay mga balidong permiso.

Ang maong mga tindahan gitagalan og 30 ka adlaw aron makakuha sa maong mga permits sama sa business permits.

Si Atty. Lizer Malate, BPLO chief  sa dakbayan  miingon nga kining maong mga tindahan wala makapakita og mga dokumento aron legal silang maka-operate.

"Wa gyUy renew-renew og business permit nga nagpasabot nga walay bayad-bayad og buhis," si Malate miingon.

Sumala pang Malate pangusgan pa nila og maayo ang paginspeksyon sa mga balay patigayon sa dakbayan aron sila mosanong sa mga patakaran. /IBM (BANATNEWS)