CPPO naghuwat sa hulip sa mga station commander

CEBU, Philippines — Ang Cebu Provincial Police Office (CPPO) nagpaabot karon sa mga opisyal nga ihulip sa mga station commander kinsa niapaubos sa ilang mandatory schooling.

Kini ang gibutyag ni Police Colonel Aladdin Collado, direktor sa CPPO.

"Hindi naman na masasabi na revamp if you recall, kulang po tayo ng mga officer dahil yung iba nag-schooling, pero ginagawa natin is binabalanse lang natin tong police doon sa needs sa area”, pasabot ni Collado.

Ang mga opisyal nga na-reassigned gilangkuban ni Major William Homoc, hepe sa Minglanilla Police Station; Police Lieutenant Colonel Clarissa Gabutan, hepe sa Carcary City Police Station; Police Lieutenant Colonel Emilie Santos sa Bogo City Police Station; Police Lieutenant Colonel Janet Rafter, hepe sa Toledo City Police Station ug ang mga hepe sa kapolisan sa mga lungsod sa San Fernando, Barili, Cordova, Catmon ug Medellin.

Matud ni Collado nga sa pagkakaron nag-assigned siya og ubang deputy chief sa maong mga police station aron maoy mo mando sa ma personnel ug magpadayon ang operasyon ug regular duties. "Sa ngayon kagaya ng sa Minglanilla, ang hepe doon naging staff ko dito sa province dahil nagkulang ng staff officer ko, kailangan ko din ng opisyal na matagal na dito sa Cebu or seasoned na, kailangan ko siya, kaya pinalitan siya ng bago”, matud ni Collado.

Giangkon ni Collado nga sa pagkakaron aduna pa sila’y pipila ka posisyon nga bakante o wala pay personnel hinuon manageable level kini.

Gikatakdang karong semanaha moabot ang mga ihulip nga mga opisyal.

Sa pagkakaron ang district supervisors maoy molantaw sa mga police station samtang wala pa kini mga station commander. Freeman/BDB