64 ka quarantine violators sa Talisay nadakpan

Cebu, Philippines — Miabot sa 64 ka mga tawo ang gidakop sa kapulisan sa Dakbayan sa Talisay tungod sa paglapas sa quarantine protocol niadtong Lunes sa hapon. Si Police Major Gerard Ace Pelare, pangu sa Talisay City Police Station nagkanayon nga ilang gihimo mao ang Synchronized Enhanced Managing Police Operation (SEMPO) ug gilibot ang nagkadaiyang barangay.

Asoy pa ni Pelare nga nakadakop sila og walo nga wala nagsul-ob og facemask, 26 ang walay quarantine pass ug 30 ka mga menor de edad.

Ang Talisay lakip sa gipaubos sa Modified General Community Quarantine (MGCQ) apan si Pelare niklaro nga bisan og unsang klase sa kwarantinas estrikto gihapon sila sa health protocols.

Daghan pa unyang susamang operasyon ang ilang himuon sa mosunod nga mga adlaw ug gitambagan ang mga mopuyo nga magpuyo lang sa ilang balay kung walay importanteng tuyo sa gawas.(BANAT NEWS)