Mga mananagat sa Olango gihatagan ug pump-boat

CEBU, Philippines — Nnakadawat og pump boat ug mga relief goods gikan ni Mayor  Junard  Ahong Chan ang pipila ka mga mananagat sa Barangay  Pangan-an  sa Isla sa Olango  sa Dakbayan  sa Lapu-Lapu niadtong Sabado.

Sa post ni Mayor Chan sa iyang Facebook nasayran nga ang maong mga managat mga pinili nga beneficiary ubos sa “Baroto Mo Panginabuhian Ko” program nga gipasiugdahan sa  Datu Lapu-Lapu E.A.G.L.E.S. Club.

Gawas sa pump boat ug mga relief goods gipanghatagan usab sila og mga kahimanan alang sa ilang pagpanagat.

“Dako kaayung kalipay nga midawat sa maong gasa ang mga beneficiaries kay dili na sila maglisud sa ilang pagpangisda nga maoy ilang panginabuhian para ibuhi sa ilang pamilya,” nagkanayon si Mayor Chan sa iyang post sa Face book. Gipasalamatan usab sa mayor ang mga sakop sa maong pundok ug ingon man si Rolando Patalinjug nga maoy nangulo sa kalihukan nga kanhi usab  nahimo niyang kaatbang  sa pagka mayor sa dakbayan. /MEL (BANATNEWS)