10 ka piniriso sa Cordova gibalik na sa selda human mag negatibo sa COVID-19
CEBU, Philippines — Gibalik na sa pagtanggong sulod sa detention cell sa kapolisan sa Lungsod sa Cordova ang napulo sa onse ka mga person deprived of liberty (PDL) human usab sila mag negatibo na sa coronavirus COVID-19 human sa gihimong swab testing..
Samtang ang usa nila ka kauban nga nag positibo sa virus ang nagpabilin sa isolation facility.
Sa nasayran ang Cordova Police Station ang gipaubos sa lockdown sugod niadtong Hunyo 15, 2020 human ang 11 ka mga PDL ug duha ka mga personnel ang nagpositibo sa COVID 19.
Si Police Lieutenant Jan Ace Elcid Layug ang hepe sa Cordova Police Station miingon nga hingpit na nilang gitangtang ang ilang giali apan iyang gitataw nga limitado lamang gihapon ang ilang pagdawat og transaksiyon sa ilang buhatan.
Matud pa niya nga naglakip na niini mao ang pagkuha og police clearance nga nagpabilin lamang gihapon ang operasyon sa Child learning center nga nahimutang usab duol sa ilang buhatan.
Gitataw ni Layug nga kadtong bag-o nilang mga dinakpan ang ipaubos una nila sulod sa 14 ka adlaw nga quarantine aron sa pagsiguro nga dili kini makatakod ngadto sa uban kun ugaling positibo man kini sa virus.
Samtang nagpabilin pa gihapon nga gi-lock down ang Cordova Fire Station human ang 16 nila ka mga personnel ang nagpositibo usab sa coronavirus disease.
Sa maong gidaghanon ang upat niini ang naka-recover na apan ang 12 kanila ang nagpabilin pa sa isolation center. /MEL (BANATNEWS)
- Latest