Tungod sa utang gidunggab ang liog

CEBU, Philippines — Gidunggab patay kagahapon sa buntag ang usa ka lalaki sa silingan niini nga giingong iyang giutangan sa B. Rodriguez Extension sa Barangay Guadalupe dakbayan sa Sugbo.

Giila ang biktima nga si Randy Aguilar samtang ang suspek giila nga usa ka Jecery Moneno.

Matud ni Guadalupe Police Station Chief Police Captain Janelito Marquez nga nag-abot sila Aguilar ug Moneno sa usa ka tindahan.

Matud sa taho, naningil si Moneno kang Aguilar sa utang niini nga nagkantidad og 1,200 alas 5 sa buntag.

Apan tungod kay gibalibaran siya sa biktima, dali nga mibunot og kutsilyo ang suspek ug dayong dunggab sa liog niini.  Dali usab nga nakasibat ang suspect.

Dugang pa ni Marquez nga nakuhaan og CCTV footage ang panghitabo. Matud niya nga ang pagpangdunggab nahitabo gawas mismo sa tindahan nga gipanag-iya sa iyaan sa biktima.

Dali nga mihimu og manhunt opertion ang kapolisan ug didto ilang naabtan ang suspek sa iyang panimalay sa Sitio Riverside sa maong barangay, mga 700 meters gikan sa nahitaboan sa krimen.

Hinuon giangkon ni Moneno ang ktimen atol sa imbestigasyon sa kapolisan.

Nasayran nga tungod sa kadugay na sa utang nga wala bayri sa biktima ang hinungdan ngano nga nasuko ang suspetsado kaniya.

Posebling nga mag-atubang og kasong murder si Moneno. /LPM (BANATNEWS)