Tulo ka kawani nga giingong giabuso moduso og kaso
CEBU, Philippines – Ang tulo ka babaye nga kawani sa Cebu City Hall kinsa nangangkong biktima sa sexual harassment ang pormal nga mosang-at og kaso ngadto sa City Prosecutor’s Office batok sa division head.
Sa gipahigayong press conference gibutyag sa tulo nga sila niuyon nga mopasaka og kasong sexual harassment batok kang Lorenzo Basamot.
Ang maong mga kawani nipasangil kang Basamot nga giabuso sila niini sa tulo ka lainlaing higayon.
Ang maong mga biktima wala mobutyag sa tukmang adlaw sa ilang pormal nga pagduso sa kaso batok kang Basamot.
Si Basamot sa iyang bahin, nagkanayon nga nipasaka na siya og kasong libelo batok sa nahisgutang mga kawani nga nipasangil kaniya diha City Prosecutor’s Office sa niaging semana.
“Much better nga mo file sila para makatubag ko sa ilang accusation”, matud ni Basamot sa iyangtext message.
Usa sa mga giingong biktima ang nagpadayag nga wala sila dayon nakahukom sa pagduso og kaso batok kang Basamot tungod kay nahadlok sila. /BDB (BANAT NEWS)
- Latest
