P18 nga umento sa suhulan gihangop
CEBU, Philippines — Nanghinaut ang mga yanong mamumuo nga mapatuman na ang P18 nga umento sa suhulan kay matud pa daku na kaayo kini og tabang sa ilang inadlaw-adlaw nga panginahanglanon.
Sama ni David Ponce nga usa ka mason, usa kabuok ang anak ug ang sweldo P450 ang adlaw, asoy niya nga kuwangon gihapon kini labi na sa iya nga pamilyado dungan sa pagbutyag nga makatabang na ang P18 nga umento.
Samtang ang pump attendant nga si Eric Limjap, tulo kabuok iyang anak, niingon nga daku kaayo og ikatabang sa pamilya ang P18 nga umento sa suhulan.
Ang Central Visayas Regional Tripartite Wages and Productivity Board niaprobar niadtong Martes sa P18 nga umento sa minimum nga suhulan.
Ang RTWPB-7 moduso sa ilang desisyon ngadto sa National Wages and Productivity Commission aron maoy moaprobar ug mopagawas sa bag-ong wage order aron ipatuman human sa 15 ka adlaw nga mapublikar sa mga pamantalaan. GMR (BANAT NEWS)
- Latest
