P11 milyones shabu nasakmit
CEBU, Philippines — Dul-an P11 milyones nga balor sa shabu ang nasakmit sa Philippine Drugs Enforcement Agency (PDEA7), National Bureau of Investigation (NBI7) ug Toledo City Police Office sa gipahigayon nga operasyon.
Giila ang subject sa warrant nga gi-serve sa PDEA ug NBI mao si Maricol Pocong diha sa dan Pelaez, Brgy. Punta Princessa Dakbayan sa Sugbo nga niresulta sa pagkasakmit sa 1.5 kilong gituohang shabu nga mobalor P10.2 milyones.
Sa follow up operation diha sa Peace Valley Brgy. Bulacao nasikop sab si Wynner Sayago, 40 , kinsa nakuhaan og 50 gramos nga shabu nga mobalor ngadto sa kapin P300 mil.
Dul-an P1 milyon sab ang nakuha sa duha ka operasyon nga gipahigayon sa Sitio Kurbada Brgy. Poong Dakbayan sa Toledo. Ang dinakpan giila nga si Vincent Taberos, 32.
Ang operasyon gipangulohan ni Police Lt. Colonel Janet Rafter hepe sa Toledo City Police Office.
Sunod nga nadakpan diha sa Brgy. Bunga si Jorum Jay Paragoso, 29, taga Brgy. DAS ug nakuhaan knii og 10.48 gramos nga gituohang shabu nga mobalor ngadto sa kapin P71 mil.
Samtang sa operason sa Lower Kawayan, Barangay Sambag 2, sa Dakbayan sa Sugbo nadakpan sab sa PDEA-7 ang 17 anyos nga suspek nga makadispatsar og 500 gramos nga shabu matag semana.
Ang maong suspek nasikop na sa Police Station 2 niadtong 2016 tungod sa kalapasan gihapon sa RA9165.
Atol sa pagkasikop kaniya nakuhaan kini og 50 gramos nga gidudahang shabu nga mobalor og P340 mil, cellphone, kwartang dul-an P2 mil ug buy bust money.
Samtang nadakpan sab ang bata-bata sa High Value Target (HVT) sa Dakbayan sa Talisay ug duha ka menor de edad sa buy bust operation diha sa Sitio Sawsawan, Barangay San Roque niadtong Biyernes sa gabie.
Ang dinakpan mao si Clint McEnroe Cortel, 25, samtang ang duha ka menor de edad pulos nag edad og 17 anyos mga silingan sab niini.
Si Cortel ra maoy miatubang sa mga polis apan naatlan ang duh aka menor de edad nga gituohang nanuyop anang orasa. Nakuhaan og ilegal nga drugas ang mga dinakpan ingon man drug paraphernalia. (/IBM)(BANATNEWS)
- Latest
