Serbisyo sa gobiyerno ipakisama sa mga bayani
CEBU, Philippines — Gihagit ni Cebu City Vice Mayor Michael Rama ang mga kawani sa gobiyerno nga magpadayon sa pagserbisyo nga tinud-anay atol sa National Heroes’ Day kagahapon.
Si Rama kinsa chairman sa Cultural and Historical Affairs Commission sa siyudad niingon nga matag adlaw kinahanglang “heroes’ day” ang mga public servants.
Gipasidunggan ni Rama ang mga kugihan nga mga kawani sa gobiyerno sama sa mga garbage collectors, street cleaners, traffic enforcers, health services providers, kapolisan, kabomberohan, jail officers, quick response and disaster team, barangay ug mga organic personnel ug uban pa nga nakatampo sa paghatud sa serbisyo sa katawhan.
“I salute to all of you,” sigun ni Rama.
Sa iyang speech, gihangop ni Rama ang plano sa nasyonal nga gobiyerno aron magtukod og usa ka departamento nga moatiman sa mga Overseas Filipino Workers kinsa giisip nga mga tinuod nga mga bayani sa karon nga panahon.
Niadtong Hulyo 24, 2007, si kanhi Presidente Gloria Macapagal-Arroyo nipirma sa Republic Act No. 9492 nga nagtakda sa National Heroes’ Day sa matag katapusang Lunes sa Agosto.
Samtang buot ni Rama nga makig-estorya kang Mayor Edgardo Labella kabahin sa wala paghatag kaniya og higayon sa pagtudlo og mga komisyoner sa CHAC.
Si Labella wala sa Sugbo sukad niadtong Domingo ug mobalik kini ugmang adlawa. (GMR) (BANATNEWS)
- Latest
