Mandaue City hapit nang ma-Lone District
CEBU, Philippines — Gihangop sa mga opisyales ang pag-aprub sa third ug final reading sa Senate Bill 8511 o ang paghimo nang Lone Congresssional District sa Dakbayan sa Mandaue City ug mobuwag na kini sa Sixto Distrito “This is good news for the people of Mandaue City because they are a step closer to having their own representative in Congress and additional congressional fund for development projects,” matud pa ni Senador Sonny Angara kinsa maoy nangamahan sa maong balaudnon nga giaprubahan niadtong Lunes.
Ang maong balaudnon nagpaabot na lang kini sa pirma ni Presidente Rodrigo Duterte aron mahingpit na kining mahimong usa ka balaud. Matud pa ni Angara nga maoy tsirman sa Senate Committee on Local Government, kon hingpit na nga mahimong buwag nga distrito ang Mandaue, naa na unya ni iyahang kaugalingon nga kongresista ug ingon man budget gikan sa national government alang sa mga proyekto ug programa niini.
Sa ilang bahin, si Kongresista Jonas Cortes sa Sixto Distrito ug si Mandaue City Vice Mayor Carlo Pontico Fortuna, gihangop og mapasalamaton sila ni Angara sa maong kalambuan.
“We are very inspired by this recent development of HB 8511. We have been monitoring this and working closely with the Office of Senator Sonny Angara to get this bill to where it is now,” matud pa ni Cortes sa iyang mensahe nga gipadala sa Banat News.
Dugang sa kongresista kinsa maoy nangamahan sa maong balaudnon sa House of Representatives nga nagkaduol na ang tinguha sa paghimo sa Siyudad sa Mandaue nga Lone Congressional District.
Si Fortuna nagkanayon nga hapit na gyud matuman ang dugay na nilang gipaabot.
“This is really good news for Mandaue. The national government project will now solely be focus on Mandaue unlike before when it’s distributed among Mandaue, Consolacion and Cordova. It’s about time.” matud pa ni Fortuna.
Dugang pa ni Angara nga ang Munisipyo sa Cordova ug Consolacion magpabilin nga kabahin sa Sixto Distrito. (/DILT)(BANATNEWS)
- Latest
