Sinulog contingent sa Talisay angay atangan–Mabunay
CEBU, Philippines – Ang contingent sa Sinulog sa Dakbayan sa Talisay giingong angay atangan matud ni city budget officer Edgar Mabunay kinsa adviser usab sa matag apil sa siyudad sa Sinulog.
Matud ni Mabunay nga lahi ang ilahang konsepto karong tuiga apan matakdo gihapon kini sa relihiyoso nga kalihukan.
Gibutyag ni Mabunay nga P6 milyones ang gisugyot nga budget apan ilaha una kining gipaubsan tungod kay gisuwayan nila sa paggamit ang karaang mga props o uban pang kagamitan.
Matud usab ni Mabunay nga kon adunay giandam ang ubang contingents nga pagpanindot sa ilang pasundayag dili usab magpauwahi ang Talisay.
Sa nasayran, ang Talisay City contingent nga girepresentahan sa mga tinun-an sa Talisay City Central School consistent nga nakasulod sa Sinulog Grand.
Samtang si Mayor Eduardo Gullas nagkanayon nga naa sa iyang pagtugot nga maabot sa P6 milyones ang gasto sa ilang contingent tungod kay iyaha kining gisusama sa niaging tuig nga budget.
Matud ni Gullas nga ang iyang gihimo panaad niya matag tuig kang Santo Niño.
“Para nako it’s the participation bonus na ang makadaug”, dugang ni Gullas. (/BDB)(BANAT NEWS)
- Latest
