Duha apil menor sikop sa drugbust
CEBU, Philippines — Duha ang nadakpan samtang nakasibat ang usa atol sa buy bust operation nga gipahigayon didto sa Purok Chicos, Barangay Inuburan sa Dakbayan sa Naga niadtong Sabado sa gabii diin mokabat sa P400 mil nga balor sa drugas ang nasakmit.
Ang usa sa duha nga target sa Provincial Intelligence Branch sa Cebu Provincial Police Office mao si Antonnete Villarin Kanemaru alyas Tonnete ,37, residente sa maong dapit.
Lakip nadakpan ang gituohang courier niini nga usa ka 17 anyos nga batang lalaki. Samtang nakasibat ang ikaduhang target nga kapuyo ni Kanemaru nga si Bimbo Barciana.
Nakuha sa mga operatiba ang walo ka mga bulto sa gituohang shabu diin adunay gibugatong 40 ka gramo. Mokabat kini ngadto sa P472 mil.
Ang direktor sa CPPO nga si Senior Supt. Manuel Javier Abrugena nagkanayon nga nakakuha sila og impormasyon gikan sa mga lumulupyo sa maong dapit bahin sa operasyon sa tulo.
“Antonette Kanemaru and Barciana are live in partners, they are the subject of police operations however Barciana was able to fled away by passing thru the backdoor of their house upon sensing that they are transacting with the police,” si Abrugena miingon sa Banat News.
Wala na mibutyag ang maong direktor kun diin ang tinubdan sa drogas sa maong grupo. Kasong pagpamaligya ug maghupot og illegal nga drogas ang atubangon sa tulo. (BANAT NEWS)
- Latest
