Barug PDP-Laban makig-alyansa sa HNP

CEBU, Philippines – Makig-alyansa ang ubang miyembro sa Barug Partido Demokratiko Pilipino-Lakas ng Bayan sa Hugpong ng Pagbabago (HNP) ni Davao City Mayor Sara Duterte.

Si Bise Mayor Edgardo Labella, pangulo sa PDP-Laban Cebu City Chapter, niingon nga bukas sila nga moumol og coalition tali sa HNP.

“I don’t see any conflict between Hugpong and PDP-Laban because PDP-Laban is a national party, Hugpong is a regional party and I think they complement each other considering that the head of Hugpong is the daughter of the head of the PDP-Laban who is the President of Republic of the Philippines,” matud ni Labella.

Si Labella nibutyag nga si Konsehal Erik Miguel Espina ang nagdala sa ngalan sa HNP.

“Erik Espina is already bringing the name of Hugpong but there is no official memorandum yet between the Hugpong and our PDP-Laban group,” dugang ni Labella. Matud ni Labella nga katungod ni Mayor Duterte kun sila tugutan o dili nga mahimong kabahin sa HNP.

Samtang sa iyang bahin, si Espina nitataw nga wala siya nagdala sa ngalan sa Hugpong apan andam kini mahimong kabahin sa regional party ni Duterte.

Sama kang Labella, si Espina niasoy nga ang Barug PDP-Laban bukas sa bisan unsa nga alyansa basta makatabang lang sa kasamtangang administrasyon ilabi na sa implementasyon sa programa ug adbokasiya ni Presidente Duterte.

“There are informal talks, there are informal indication but nothing yet as concrete,” asoy ni Espina.

Si Espina sa personal nga kapasidad nangulo sa paglusad sa movement nga nanawagan kang Mayor Duterte nga modagan sa pagka-senador sa piniliay sunod tuig. Nitubag sab kini sa pangutana kun mohimo ba kini og lakang aron maka-estorya si Mayor Duterte ug ipaabot ang kaandam sa Barug PDP-Laban nga makig-alyansa sa HNP.

“Dili lang nato pangunahan. It’s still up in the air, let’s see how things develop. You know this is a very interesting election year because there are many traditional rules that is broken and alliances seem to be forming in collateral way which in sometimes we cannot imagine its possible but it’s happening right before our eyes, so huwaton lang nato unsa gyud ang final shape, size and form,” matud ni Espina. (/GMR)(BANAT NEWS)