Walay quarry sa Carcar

CEBU, Philippines – Wala’y quarry operators ang Dakbayan sa Carcar nga nanamastamas sa kabukiran matud ni Mayor Nicepuro Apura.

Matud niya nga wala’y pribadong indibidwal nga naa naghimo sa ilang operasyon sa siyudad apan iyang giangkon nga daghan gyud ang nag-apply niini. Hinuon wala’y pribado nga quarry apan ang siyudad gihatagan og special permit alang sa ilang mga proyekto nga ipatuman.

Gitug-an ni Apura nga wala’y tawo o namuyo sa lugar diin sila nag-quarry maong wala sila’y angay nga kabalak-an.

Si Apura ug iyang mga konsehal ang nitunol og hinabang nga moabot sa usa ka milyon ka pesos alang sa mga nabiktima sa landslide sa Dakbayan sa Naga.

Dugang pa ni Apura nga pabilin lang una ang mga aplikasyon sa ilang buhatan kay mag-agad lang sila unsa’y ipatuman sa kagamhanan. (/GMR)(BANAT NEWS)